Mazkur hujjat Direktor Saydaliyev Saydali Xasanovich (matnda keyingi oʻrinlarda – Sotuvchi) tomonidan taqdim
qilingan “PRIME ONLINE TECHNOLOGY” MCHJning Oʻzbekiston Respublikasi Fuqarolik kodeksining 367- va 369-
moddalariga muvofiq yuridik shaxslarga, yakka tartibdagi tadbirkorlarga, oʻzini oʻzi band qilgan shaxslarga (matnda
keyingi oʻrinlarda – Xaridor) Tovar oldi-sotdi shartnomasini tuzish toʻgʻrisida yoʻllangan Ofertasi hisoblanadi. Sotuvchi
faoliyati davomida Oʻzbekiston Respublikasi Fuqarolik kodeksi qoidalariga amal qiladi.
“PRIME ONLINE TECHNOLOGY” MCHJ www.smartpos.uz va/yoki www.uzkassa.uz Saytida joylashtirilgan
ushbu Oferta matni bilan diqqat bilan tanishib chiqishni va Ofertaning biron-bir bandidan norozi boʻlgan taqdirda, ushbu
Ofertani qabul qilish va Shartnoma Akseptidan voz kechishni taklif qiladi. Ushbu Shartnoma Xaridor tomonidan qabul
qilingan paytdan eʼtiboran tuzilgan deb hisoblanadi.
1.1. Ushbu Ofertada, agar uning mazmunidan oʻzgacha maʼno kelib chiqmasa, quyida keltirilgan atamalar quyidagi
maʼnolarga ega boʻladi va uning ajralmas qismi hisoblanadi:
Oferta – Tovarning oldi-sotdi shartnomasini (matnda keyingi oʻrinlarda – Shartnoma) Ofertada koʻrsatilgan shartlarda,
shu jumladan uning barcha ilovalari doirasida tuzish toʻgʻrisida Sotuvchining ommaviy taklifi hisoblanadigan mazkur
hujjat.
Oldi-sotdi shartnomasi – Xaridor tomonidan koʻrsatilgan shartnomani tuzish toʻgʻrisidagi taklif shartlari aksept qilinishi
natijasida Xaridor va Sotuvchi tomonidan tuzilgan oldi-sotdi shartnomasi sanaladi (muddatli toʻlov sharti bilan).
Sotuvchi – «PRIME ONLINE TECHNOLOGY» MCHJ (STIR 306866358, roʻyxatga olish manzili: Oʻzbekiston
Respublikasi, Toshkent shahri, Bektemir tumani, Oltintopgan koʻchasi, 29-uy).
Xaridor – Sotuvchi bilan ushbu Ofertada koʻrsatilgan shartlarda Oldi-sotdi shartnomasini tuzgan yuridik shaxs, yakka
tartibdagi tadbirkor, oʻzini oʻzi band qilgan shaxs.
«Tomon» yoki «Tomonlar» – tegishli ravishda alohida yoki birgalikda tilga olinadigan Xaridor va Sotuvchi.
Aksept – Xaridor tomonidan Shartnoma shartlarining toʻliq va soʻzsiz qabul qilinishi. Sotuvchi tomonidan taklif etilgan
Tovar qiymatining dastlabki toʻlovi (birinchi toʻlovi) amalga oshirilishi aksept hisoblanadi.
Tovar – Qurilmalar to‘plami: Onlayn A-Pay P10 NKM (Android POS TERMINAL P10) va Terminal - Android mini Pos
Terminal (M1 (P12)).
2.1. Sotuvchi Xaridorga Tovarni mulk qilib topshirish majburiyatini oʻz zimmasiga oladi, Xaridor esa Tovarni ushbu
Shartnomada nazarda tutilgan tartibda va shartlarda qabul qilish va toʻlash majburiyatini oladi. Tovar Xaridorga ushbu
Shartnomada nazarda tutilgan tartibda Tovar uchun muddatli toʻlov shartlari asosida beriladi.
2.2. Tovar Sotuvchiga mulk huquqi asosida tegishli boʻlib, uchinchi shaxslarning har qanday huquqlaridan xoli, garov
bilan yuklanmagan, xatlov ostida emas.
2.3. Sotuvchi sotiladigan Tovarlarning yangi va ilgari foydalanilmaganligini kafolatlaydi.
3.1. Ushbu Shartnomaning matni ommaviy oferta (ushbu shartnomani tuzish taklifi) ekanligiga asoslanib, Xaridor
Sotuvchi tomonidan taklif qilingan Tovarning qiymati uchun dastlabki toʻlovni (birinchi badalni) amalga oshirish ushbu
ommaviy ofertaning Aksepti (ushbu shartnomani tuzish taklifini qabul qilish) ekanligini tan oladi.
3.2. Dastlabki toʻlovni (birinchi toʻlov) amalga oshirish Xaridorning ushbu Oferta shartlarini hech qanday cheklovlarsiz,
mustasnolarsiz, izohlarsiz yoki istisnolarsiz toʻliq hajmda qabul qilishini (roziligini) anglatadi.
4.1. Tovarning qiymati Sotuvchi tomonidan bir tomonlama soʻzsiz tartibda belgilanadi va tovarning bitta birligi (To‘plam)
uchun 12 foizli QQSni qoʻshgan holda 4 590 000 (to‘rt million besh yuz to‘qson ming) soʻmni tashkil etadi.
4.2. Tovar uchun toʻlov Xaridor tomonidan Pul mablagʻlarini Sotuvchining hisob raqamiga oʻtkazish yoʻli bilan amalga
oshiriladi. Bunda Xaridorning Shartnoma boʻyicha haq toʻlash borasidagi majburiyatlari pul mablagʻlari Sotuvchining
hisob raqamiga kelib tushgan kundan boshlab bajarilgan hisoblanadi.
4.3. Tovar qiymatini to‘lash Xaridor tomonidan bo‘lib-bo‘lib, har oyda tovarning bitta birligi uchun 573 750 (besh yuz
yetmish uch ming yetti yuz ellik) so‘mdan teng to‘lovlar bilan amalga oshiriladi.
4.4. Xaridor Tovar qiymatini quyidagi jadvalga muvofiq to‘laydi:
4.4.1. Birinchi to‘lov - Tovarni qabul qilish-topshirish dalolatnomasi (Aksept) imzolangunga qadar;
4.4.2. Ikkinchi to‘lov - Qabul qilish-topshirish dalolatnomasi bo‘yicha Tovar olingan paytdan boshlab bir kalendar oydan
kechiktirmay;
4.4.3. Uchinchi to‘lov - Qabul qilish-topshirish dalolatnomasi bo‘yicha Tovar olingan paytdan boshlab ikki kalendar
oydan kechiktirmay;
4.4.4. To‘rtinchi to‘lov - Qabul qilish-topshirish dalolatnomasi bo‘yicha Tovar olingan paytdan boshlab uch kalendar
oydan kechiktirmay;
4.4.5. Beshinchi to‘lov - Qabul qilish-topshirish dalolatnomasi bo‘yicha Tovar olingan paytdan boshlab to‘rt kalendar
oydan kechiktirmay;
4.4.6. Oltinchi to‘lov - Qabul qilish-topshirish dalolatnomasi bo‘yicha Tovar olingan paytdan boshlab besh kalendar oydan
kechiktirmay;
4.4.7. Yettinchi to‘lov - Qabul qilish-topshirish dalolatnomasi bo‘yicha Tovar olingan paytdan boshlab olti kalendar oydan
kechiktirmay;
4.4.8. Sakkizinchi to‘lov - Qabul qilish-topshirish dalolatnomasi bo‘yicha Tovar olingan paytdan boshlab yetti kalendar
oydan kechiktirmay amalga oshiriladi.
4.5. Xaridor sotib olingan Tovar uchun qarzdorlikni istalgan vaqtda muddatidan oldin yoki qisman soʻndirish huquqiga
ega.
4.6. Tovar uchun toʻliq toʻlangan sana pul mablagʻlari Sotuvchining hisob raqamiga 100% kelib tushgan sana hisoblanadi.
4.7. Xaridor tomonidan navbatdagi toʻlovni toʻlash muddati buzilgan yoki Xaridor tomonidan Shartnomaning har qanday
shartlari buzilgan taqdirda, Sotuvchi Tovarning butun qiymatini muddatidan oldin toʻliq toʻlashni bir tomonlama tartibda
talab qilish huquqiga ega. Bunday holda, Sotuvchi oʻz xohishiga koʻra Xaridorga Tovarning butun qiymatini muddatidan
oldin toʻlash toʻgʻrisida talabnoma yuborishi yoki darhol sud organlariga murojaat qilishi mumkin.
5.1. Sotuvchi Sotuvchining hisob raqamiga ushbu Shartnomaning 4.3-bandida nazarda tutilgan dastlabki toʻlov (birinchi
toʻlov) kelib tushishi sharti bilan Xaridor tomonidan Tovar talab qilib olingan paytdan boshlab 3 (uch) ish kuni mobaynida
Tovarni topshirish majburiyatini oʻz zimmasiga oladi.
5.2. Tovarni miqdori boʻyicha qabul qilib olish, shuningdek yaxlitligi, butligi va tashqi nuqsonlari boʻyicha tekshirib olish
Xaridor tomonidan bevosita Tovarni berish paytida amalga oshiriladi va topshirish hujjati (qabul qilish-topshirish
dalolatnomasi) ni imzolash yoʻli bilan tasdiqlanadi. Xaridor Tovarni qabul qilib olish paytida tovarning butligi
buzilganligini, nuqsoni borligini yoki but emasligini aniqlanganda, buni topshirish hujjatida qayd etishi shart. Xaridor
tomonidan Qabul qilish-topshirish dalolatnomasi eʼtirozlarsiz imzolanganda, Tovar zarur miqdorda, tegishli sifatda
yetkazib berilgan deb hisoblanadi va Tovar namunasi olingandan keyin uning butunligi, butligi va tashqi nuqsonlari
boʻyicha daʼvolar qabul qilinmaydi.
5.3. Tovarni topshirish tovarni oʻzi olib ketish shartlari asosida amalga oshiriladi. Tovarni yuklab joʻnatish shanba,
yakshanba va bayram kunlaridan tashqari ish kunlarida soat 10 dan 17 gacha amalga oshiriladi.
5.4. Tovarni berish Xaridor tomonidan tegishli tarzda rasmiylashtirilgan ishonchnoma taqdim qilingan, shuningdek
oluvchining shaxsini tasdiqlovchi pasport taqdim etilgan taqdirdagina amalga oshiriladi. Toʻldirish uchun belgilangan
tartib buzilgan holda berilgan ishonchnoma taqdim etilganda, tuzatishlar, oʻzgartirishlar va bulgʻangan yozuvlar kiritilgan
ishonchnoma taqdim etilganda, ishonchnomaning amal qilish muddati tugagan taqdirda, shuningdek nomiga ishonchnoma
berilgan tovarni oluvchining pasporti (pasport nusxasi) taqdim etilmagan taqdirda, Shartnoma boʻyicha Tovar berish
amalga oshirilmaydi.
5.5. Ushbu Shartnomaga muvofiq, tovarni “oʻzi olib ketish” asosida berish nazarda tutilganligini hisobga olgan holda,
Xaridor Tovarni Sotuvchidan mustaqil ravishda talab qilib olish uchun toʻliq javobgar boʻladi.
5.6. Xaridorga berilgan Tovarga boʻlgan mulk huquqi Tovar topshirilgan paytdan eʼtiboran unga oʻtadi. Tovarning
tasodifan nobud boʻlishi yoki tasodifan shikastlanishi xavfi Tovar Tovar joylashgan manzilda haqiqatda Xaridorga
topshirilgan paytdan boshlab Xaridor zimmasiga oʻtadi.
5.7. Tovarning toʻliq qiymati toʻlangunga qadar Xaridor oʻz mulkini begonalashtirishga (sotishga, hadya qilishga, garovga
qoʻyishga, toʻliq yoki qisman almashtirishga), oʻzgartirishlar kiritishga, Tovarlarning yaxlitligi va toʻplamini
oʻzgartirishga yoki biron bir boshqa yoʻl bilan Tovarni tasarruf etishga haqli emas.
6.1. Sotuvchining majburiyatlari quyidagilardan iborat:
6.1.1. ushbu Shartnomaga muvofiq qabul qilingan majburiyatlarni oʻz vaqtida va lozim darajada bajarish;
6.1.2. ushbu Shartnomaga va Oʻzbekiston Respublikasining amaldagi qonun hujjatlariga muvofiq boshqa majburiyatlarni
bajarish;
6.2. Xaridorning majburiyatlari quyidagilardan iborat:
6.2.1. birinchi toʻlov amalga oshirilgunga qadar ushbu Ofertaning mazmuni va unda belgilangan shartlar bilan tanishib
chiqishi;
6.2.2. ushbu Shartnomani tuzish va ijro etish uchun zarur boʻlgan ishonchli maʼlumotlar, dalillar va hujjatlarning
Sotuvchiga taqdim etilishini taʼminlash;
6.2.3. Tovarni Sotuvchidan talab qilib olish uchun dastlabki toʻlov amalga oshirilgan paytdan boshlab 3 (uch) ish kuni
mobaynida Sotuvchiga mustaqil ravishda murojaat qilish. Bunda Xaridor koʻrsatilgan muddatlarda Tovarni talab qilib
olish uchun Sotuvchiga murojaat qilmagan taqdirda, Sotuvchi Tovarni oʻz vaqtida yetkazib bermaganlik uchun hech
qanday javobgar emasligiga toʻliq rozilik bildiradi;
6.2.4. Tovarni miqdoriga qarab qabul qilib olish. Tovarni qabul qilib olish paytida, uni vizual tarzda koʻzdan kechirishni
va Tovarning ishlash qobiliyatining umumiy tekshiruvini amalga oshirish va kamchiliklar aniqlangan taqdirda, buni Qabul
qilish-topshirish dalolatnomasida aks ettirish;
6.2.5. Ushbu Shartnomada oʻrnatilgan tartibda va muddatlarda Tovarga haq toʻlash;
6.2.6. Xaridorda ushbu Shartnoma boʻyicha Sotuvchi oldida qarzdorlik yuzaga kelgan taqdirda, Xaridor Sotuvchiga va
Sugʻurtachiga Xaridorning istalgan bank hisobvaraqlaridan, bank kartalaridan pul mablagʻlarini akseptsiz yechib olish
huquqini beradi;
6.2.7. Tovar topshirilgan paytdan boshlab va uning haqi toʻliq toʻlangunga qadar, Tovarning but saqlanishini taʼminlash,
Tovarning qiymati kamayishiga yoki uning nobud boʻlishiga olib keladigan xatti-harakatlarni sodir etmaslik;
6.3. Sotuvchi quyidagi huquqlarga ega boʻladi:
6.3.1. agar Xaridor Shartnomani buzgan holda Tovarni qabul qilish yoki toʻlashdan bosh tortsa, Tovar uchun toʻliq haq
toʻlanishini talab qilish;
6.3.2. Xaridor tomonidan Tovar uchun haq toʻlash majburiyati buzilgan taqdirda Xaridorning qarzi summasini
Xaridorning istalgan bankda ochilgan istalgan hisobvaragʻidan akseptsiz yechib olish;
6.3.3. quyidagi holatlar yuzaga kelganida, Tovarning toʻliq qiymatini muddatidan oldin toʻlashni talab qilish:
6.3.3.1. Xaridor tomonidan keyingi toʻlovni toʻlash muddati buzilganda;
6.3.3.2. Sotuvchining talabiga koʻra hujjatlar va maʼlumotlar Xaridor tomonidan taqdim etilmaganda;
6.3.3. Xaridor tomonidan taqdim etilgan hujjatlarning haqiqiy emasligi faktlari aniqlanganda;
6.3.3.4. Xaridor tomonidan Shartnomaning har qanday sharti buzilishi;
6.3.3.5. Xaridorning moliyaviy ahvoli yomonlashganda;
6.3.4. Xaridor bilan amalga oshiriladigan telefon soʻzlashuvlarini yozib olish;
6.3.5. Oʻzbekiston Respublikasining amaldagi qonun hujjatlariga va ushbu Shartnomaga muvofiq boshqa huquqlarga ega
boʻlish.
6.4. Xaridor quyidagi huquqlarga ega boʻladi:
6.4.1. agar Sotuvchi Tovarni Xaridorga topshirishdan bosh tortsa, Shartnomani bajarishdan bosh tortish.
7.1. Tomonlar Shartnoma boʻyicha zimmalariga yuklatilgan majburiyatlarni bajarmaganlik yoki lozim darajada
bajarmaganliklari uchun ushbu Shartnomaga muvofiq, Shartnomada nazarda tutilmagan hollarda esa – Oʻzbekiston
Respublikasining amaldagi qonunchiligiga muvofiq javob beradilar.
7.2. Xaridor taqdim etilgan maʼlumotlarning mazmuni va ishonchliligi uchun mustaqil ravishda javobgar boʻladi.
7.3. Sotuvchi Shartnoma boʻyicha sotib olingan Tovardan lozim darajada foydalanmaganligi oqibatida Xaridorga
yetkazilgan ziyon uchun javobgar boʻlmaydi.
7.4. Agar Xaridorning tovar xususiyatlari haqidagi umidlari oʻzini oqlamasa, Sotuvchi javobgar boʻlmaydi.
7.5. Sotuvchi Xaridorning uchinchi shaxslar oldidagi majburiyatlari boʻyicha javobgar boʻlmaydi.
7.6. Xaridor Tovarni olishni talab qilmagan va/yoki qabul qilishdan bosh tortgan taqdirda, Xaridor oʻz zimmasiga
Sotuvchiga Tovar uchun belgilangan toʻliq qiymatning 22 foizi (yigirma ikki) miqdorida jarima toʻlash majburiyatini
oladi.
7.7. Xaridor ushbu Shartnomada nazarda tutilgan har bir toʻlovni oʻz vaqtida toʻlamagan taqdirda, Xaridor oʻz zimmasiga
Sotuvchiga muddati oʻtkazib yuborilgan har bir kun uchun muddati oʻtkazib yuborilgan toʻlov summasining 0,4 foizi,
lekin muddati oʻtkazib yuborilgan toʻlov summasining 50 foizidan ortiq boʻlmagan miqdorda penya toʻlash majburiyatini
oladi. Penya toʻlash Xaridorni Shartnoma boʻyicha qarz summasini toʻlashdan ozod qilmaydi.
7.8. Tovar uchun belgilangan qiymatni toʻlashning ushbu Shartnomaning 4.4-bandida belgilangan muddatlari muddati
oʻtgan qarzdorlik yuzaga kelgan sanadan boshlab 1 (bir) kalendar kundan ortiq muddat davomida buzilgan taqdirda,
Sotuvchi tovarlarning to'liq qiymatini muddatidan oldin to'lashni va etkazilgan zararni to'lashni talab qilishga, shuningdek
istalgan vaqtda kelishmovchilikda bunday qarzni yozish huquqiga ega.
7.9. Sotuvchi Xaridor oʻz huquqlarini suiisteʼmol qilishi sifatida baholanadigan xatti-harakat – Tovarni olishdan
muntazam ravishda bosh tortgan taqdirda, Shartnomani tuzishni rad etish huquqini oʻzida saqlab qoladi;
7.10. Tomonlardan biri ushbu Shartnoma boʻyicha zimmasiga yuklatilgan majburiyatlarni bajarmagan yoki lozim darajada
bajarmagan taqdirda, jabrlangan Tomon aybdor Tomondan oʻz zimmasiga olgan majburiyatlarni bajarishni, shuningdek
unga yetkazilgan zararni neustoykadan tashqari toʻliq summada qoplashni talab qilish huquqiga ega.
8.1. Tomonlar Shartnomaning bir qismini yoki uni toʻliq bajarmaganliklari uchun, agar bunday bajarmaslik yengib
boʻlmaydigan kuch holatlari tufayli yuzaga kelgan boʻlsa, javobgarlikdan ozod qilinadilar. Yengib boʻlmas kuch
holatlariga quyidagilar kiradi: suv toshqini, tabiiy yongʻin, zilzila, portlash, epidemiya va tabiat kuchlarining boshqacha
koʻrinishlari, shuningdek urush, harbiy harakatlar yoki ushbu Shartnomani bajarishning imkonsizligiga olib kelgan boshqa
harakatlar.
8.2. Tomonlardan birortasiga bevosita yoki bilvosita taʼsir koʻrsatadigan Oʻzbekiston Respublikasining amaldagi
qonunchiligiga yoki meʼyoriy hujjatlariga kiritilgan oʻzgartirishlar fors-major holatlari sifatida koʻrib chiqilmaydi, biroq,
Tomonning Shartnoma boʻyicha oʻz majburiyatlaridan birortasini bajarishiga imkon bermaydigan oʻzgartirishlar
kiritilgan taqdirda, Tomonlar ushbu muammoni bartaraf etish boʻyicha ishlarni amalga oshirish tartibiga nisbatan darhol
qaror qabul qilishlari shart.
8.3. Fors-major holatlari oqibatida ushbu Shartnoma boʻyicha zimmasiga olingan majburiyatlarini bajarishi imkonsiz
boʻlib qolgan tomon 10 (oʻn) kalendar kun ichida Oʻzbekiston Respublikasining vakolatli organi tomonidan berilgan
hujjatni isbot sifatida taqdim etishi kerak.
8.4. Agar yengib boʻlmas kuch holatlari ikki oydan ortiq vaqt mobaynida davom etsa, Tomonlar ushbu Shartnomaning
keyingi yuridik taqdirini birgalikda belgilaydilar.
9.1. Ushbu Shartnomadan yoki u bilan bog‘liq holda yuzaga keladigan barcha nizoli masalalar Taraflar tomonidan
muzokaralar yo‘li bilan hal etiladi. Nizolarni sudgacha hal qilish (talabnoma yuborish) tartibi majburiy emas.
9.2. Muzokaralar yo‘li bilan kelishuvga erishilmagan taqdirda, ushbu Shartnomadan yoki u bilan bog‘liq holda yuzaga
keladigan barcha nizolar, kelishmovchiliklar va talablar, shu jumladan uning buzilishi, to‘xtatilishi yoki haqiqiy emasligi
masalalari Toshkent tumanlararo iqtisodiy sudida hal etilishi lozim (shartnoma bo‘yicha sudlovga tegishlilik).
9.3. Agar ushbu Shartnomaning bir tomoni jismoniy shaxs boʻlsa, bu holda nizolar Oʻzbekiston Respublikasi Fuqarolik
protsessual kodeksining 36-moddasiga muvofiq Sotuvchi roʻyxatdan oʻtgan joydagi (yuridik manzili) Toshkent shahar
tumanlararo fuqarolik sudida hal etilishi lozim.
9.4. Shartnomani ijro etish joyi Sotuvchining joylashgan manzili (yuridik manzili) hisoblanadi.
10.1. Ushbu Shartnoma ushbu Oferta Aksept qilingan (qabul qilingan) paytdan boshlab kuchga kiradi va barcha Tomonlar
ushbu Shartnomaga muvofiq oʻz majburiyatlarini, shu jumladan, neustoykani toʻlash boʻyicha majburiyatlarni bajargan
paytdan boshlab oʻz kuchini toʻxtatadi.
10.2. Xaridor tomonidan ushbu Ofertaning Aksepti Xaridor tomonidan ushbu Shartnoma shartlarining hech qanday
istisnolarsiz yoki cheklovlarsiz toʻliq va soʻzsiz qabul qilinishini anglatadi va ikki tomonlama yozma Shartnoma tuzish
bilan teng kuchga ega sanaladi.
10.3. Xaridor ushbu Ofertaning yangi tahrirdagi matnini Saytga joylashtirish orqali Xaridorni va boshqa shaxslarni
xabardor qilgan holda, Sotuvchi istalgan vaqtda ushbu Shartnoma shartlariga oʻzgartirishlar kiritishga haqli ekanligiga
rozilik bildiradi. Oʻzgartirishlar Xaridorlar va uchinchi shaxslar uchun yangi tahrirdagi Oferta matni Saytda joylashtirilgan
sanadan yoki Ofertada koʻrsatilgan sanadan boshlab kuchga kiradi.
11.1. Xaridor ushbu Shartnoma doirasida unga tegishli boʻlgan huquq va majburiyatlarni Sotuvchining yozma roziligisiz
boshqa shaxslarga topshirishga haqli emas. Sotuvchi esa, oʻz navbatida, ushbu Shartnoma doirasida unga tegishli boʻlgan
huquq va majburiyatlarni Xaridorning roziligisiz boshqa shaxslarga topshirishga, sotishga, berib yuborishga haqlidir.
11.2. Tomonlar ushbu band bilan bir-birlariga quyidagilarni vaʼda qiladilar:
11.2.1. Shartnomani tuzayotgan shaxs Shartnoma tuzilgan sanaga qadar amalda boʻlgan ustav/ishonchnoma bilan
belgilangan vakolatlari doirasida harakat qiladi;
11.2.2. Tomonlar Shartnoma boʻyicha zimmalariga olingan majburiyatlarini oʻz vaqtida va toʻliq (lozim darajada) bajarish
uchun yetarlicha moliyaviy imkoniyatlarga egadirlar va Shartnomaning amal qilish muddati davomida shunday boʻladilar;
11.2.3. tomonlar qayta tashkil etish yoki tugatish jarayonida emasdirlar;
11.2.4. Tomonlarga nisbatan bankrotlik tartib-taomillari qoʻzgʻatilmagan va amalga oshirilayotgani yoʻq;
Tomonlarning ishontirishlari muhim ahamiyatga ega, chunki Tomonlar Shartnomani ushbu Shartnomada koʻrsatilgan
shartlarda, bir-birlarining ishontirishlarini hisobga olgan holda tuzish toʻgʻrisida qaror qabul qilganlar va agar yuqorida
koʻrsatilgan ishontirishlarning notoʻgʻriligi toʻgʻrisida maʼlumotlarga ega boʻlganlarida, Shartnomani tuzmagan yoki uni
boshqa shartlar asosida tuzgan boʻlardilar.
11.3. Shartnomani unda keltirilgan shartlarga koʻra tuzish orqali, Xaridor oldi-sotdi shartnomasini bajarishda va uning
toʻgʻriligi, toʻliqligi va ishonchliligi uchun barcha masʼuliyatni oʻz zimmasiga olgan holda, ishonchli shaxsiy
maʼlumotlarning taqdim etilishini kafolatlaydi;
11.4. Shartnomani unda keltirilgan shartlarga koʻra tuzish orqali, Xaridor oʻzining shartsiz roziligini beradi va Sotuvchiga,
sugʻurtalovchiga va sotuvchining kontragentlariga Xaridorning shaxsiy maʼlumotlarini, shu jumladan, avtomatlashtirilgan
maʼlumotlar bazasini boshqarish tizimlaridan va boshqa dasturiy taʼminotdan foydalangan holda toʻplash, qayta ishlash
va saqlashga ruxsat beradi. Shuningdek, Xaridor oʻzining shaxsiy maʼlumotlari Sugʻurtalovchiga va uchinchi shaxslarga
berilishi mumkinligiga rozilik bildiradi. Xaridor Sotuvchi, Sugʻurtalovchi, Sotuvchining kontragenti tomonidan shaxsiy
maʼlumotlarning qayta ishlanishi quyidagilarning amalga oshirilishi mumkinligiga rozilik bildiradi: tovarlarni sugʻurtalash
maqsadida, auditorlik kompaniyalariga, nazorat qiluvchi organlarga maʼlumotlarning taqdim etilishini taʼminlash,
xavfsizlikni taʼminlash, firibgarlik faoliyatini aniqlash va / yoki oldini olish, daromadlarni legallashtirish va boshqa
jinoyatlar, marketing faoliyatini amalga oshirish, muddati oʻtgan qarzlarni undirish maqsadida. Sugʻurtalovchiga va
uchinchi shaxslarga beriladigan maʼlumotlar, shu qatorda, quyidagilarni oʻz ichiga oladi: Xaridorning identifikatsiya
maʼlumotlari (shu jumladan: Xaridorning toʻliq ism-sharifi, shaxsni tasdiqlovchi hujjat maʼlumotlari, yuridik / faktik
manzili, telefon raqami, elektron pochta manzili va boshqalar), joriy majburiyat miqdori, uning maqsadi, jarima
yozilganligi, Xaridor tomonidan moliyaviy majburiyatlar boʻyicha amalga oshirilgan toʻlovlarning haqiqiyligi va oʻz
vaqtida bajarilishi, qarzdorlik qoldigʻi, sud qarorlari va shu zahoti ijro etish hujjatlari. Shaxsiy maʼlumotlarni qayta ishlash
uchun Xaridor tomonidan berilgan rozilik muddatsiz hisoblanib, u Sotuvchining yuridik manziliga yozma soʻrov yuborish
orqali qaytarib olinishi mumkin.
11.5. Shartnomani unda keltirilgan shartlarga koʻra tuzish orqali, Xaridor sugʻurta hodisasi yuz berganda sugʻurta tovonini
toʻlagan Sugʻurtalovchiga, Sotuvchining sugʻurta natijasida qoplangan zararlar uchun javobgar boʻlgan Xaridorga
nisbatan ega boʻlgan talab qilish (regress) huquqi, toʻlangan summa doirasida oʻtishiga oʻzining shartsiz roziligini beradi
(Oʻzbekiston Respublikasi Fuqarolik kodeksining 957-moddasi tartibida).
11.6. Shartnomani unda keltirilgan shartlarga koʻra tuzish orqali, Xaridor Sugʻurtalovchiga oʻz pul mablagʻlarini
Oʻzbekiston Respublikasining istalgan bankining hisob raqamlari va kartalaridan qabul qilinmagan va shubhasiz tartibda
sugʻurta qoplamasi summasi toʻliq qaytarilgunga qadar hisobdan chiqarishga shartsiz rozilik beradi.
11.7. Ushbu Shartnomani tuzish orqali Xaridor Sotuvchiga ovozli qo‘ng‘iroqlar qilish va suhbatni yozib olish huquqini
beradi, shuningdek, Sotuvchidan hamda Sotuvchi vakolat bergan boshqa shaxslardan turli usullar orqali yuboriladigan
tarqatma xabarlar, SMS-xabarlar va boshqa xabarnomalarni (jumladan, qarzdorlik mavjudligi to‘g‘risidagi axborotni)
olishga rozilik bildiradi.
11.8. Agar Shartnomaning biror qoidasi yoki sharti haqqoniy emas deb topilsa, bu holat Shartnomaning qolgan shartlari
va qoidalari hamda umuman Shartnomaning oʻzi haqqoniy emas deb topilishiga olib kelmaydi.
11.9. Tomonlar raqamli shaklda tuzilgan hujjatlar Xaridor tomonidan imzolangan bosma hujjatlar bilan bir xil yuridik
kuchga ega ekanligi borasida kelishib oladilar.
11.10. Xaridor tegishli o‘zgarishlar sodir bo‘lgan paytdan boshlab 2 (ikki) kalendar kun ichida o‘zining bank rekvizitlari
o‘zgargani hamda ushbu Shartnoma bo‘yicha majburiyatlarini lozim darajada bajarishiga ta’sir ko‘rsatishi mumkin
bo‘lgan har qanday holatlar to‘g‘risida Sotuvchini yozma ravishda xabardor qilishi shart. Sotuvchi o‘z bank
rekvizitlarining o‘zgargani haqida Xaridorni veb saytda tegishli ma’lumotlarni e’lon qilish va Shartnomaga o‘zgartirishlar
kiritish orqali xabardor etadi. Xaridor Internetda ochiq tarzda joylashtirilgan ushbu Shartnoma (Oferta) shartlariga
Sotuvchi tomonidan kiritiladigan dolzarb o‘zgarishlarni mustaqil ravishda va o‘z vaqtida kuzatib borishi lozim. Bunday
nazoratning yo‘qligi Xaridorni o‘z majburiyatlarini bajarmaganlik (lozim darajada bajarmaganlik) uchun javobgarlikdan
ozod etmaydi.
11.11. Shartnomada nazarda tutilmagan boshqa barcha masalalarda Tomonlar Oʻzbekiston Respublikasining amaldagi
qonunlariga amal qiladilar.