“30” sentyabr 2025-yil.

1. “Toʻliq toʻlov uchun bonus” aksiyasida ishtirok etish uchun mazkur Ommaviy oferta (keyingi oʻrinlarda Oferta deb yuritiladi) “Toʻliq toʻlov uchun bonus” aksiyasida ishtirok etish shartlari va tartibini (keyingi oʻrinlarda Aksiya deb yuritiladi) belgilaydi. Shartnoma Aksiya Ishtirokchisi ushbu Ofertada quyidagi shartlarda nazarda tutilgan harakatlarni amalga oshirgan paytdan boshlab tuzilgan hisoblanadi va Aksiya Ishtirokchisi Shartnomaning barcha shartlarini toʻliq va shartsiz qabul qilganligini anglatadi.
2. Ommaviy Oferta internet tarmogʻida eʻlon qilingan va quyidagi manzilda mavjud: https://smartpos.uz/. Ishtirokchilarni Aksiya qoidalari toʻgʻrisida xabardor qilish tegishli ma’lumotni https://smartpos.uz/ veb-saytiga joylashtirish yoʻli bilan, shuningdek, Tashkilotchini tanlashning boshqa usullari, shu jumladan reklama taxtalari, tarqatiladigan varaqalar, flayerlar va boshqa usullar orqali amalga oshiriladi.
3. Aksiya Tashkilotchisi “PRIME ONLINE TECHNOLOGY” MCHJ (keyingi oʻrinlarda Tashkilotchi deb yuritiladi), yuridik manzili: Toshkent shahri, Bektemir tumani, Oltintopgan koʻchasi, 29. Rekvizitlar: STIR: 306 866 358, h\r 2020 8000 4051 4368 5001 Toshkent sh. “KAPITAL BANK” ATB, FAA (МФО): 01088.
4. Aksiya Tashkilotchisining hamkori “CENTER FOR DIGITAL TECHNOLOGY AND INNOVATION” AJ (keyingi oʻrinlarda Hamkor deb yuritiladi), yuridik manzili: Toshkent sh., Yashnobod tumani, Maxtumquli koʻch., 81. Rekvizitlar: STIR: 306 344 019, h\r: 2020 8000 0050 6594 4001 Toshkent sh. “HAMKORBANK” ATB, FAA (МФО): 00083.
5. Aksiya Ishtirokchilari: Tadbirkorlik subyektlari - yuridik shaxslar va yakka tartibdagi tadbirkorlar, shuningdek, yuridik shaxs tashkil etmasdan tadbirkorlik faoliyatini amalga oshiruvchi, Oʻzbekiston Respublikasi qonunchiligiga muvofiq roʻyxatdan oʻtgan, ushbu Aksiyani oʻtkazish paytida oʻz tadbirkorlik faoliyatida foydalanayotgan yoki Tashkilotchining tovarini sotib olishni rejalashtirayotgan boshqa jismoniy shaxslar: qurilmalar toʻplami - A-Pay P10 onlayn NKM (Android POS TERMINAL P10) va Terminal - Android mini Pos Terminal (M1 (P12)) (keyingi oʻrinlarda - qurilmalar toʻplami) va/yoki A-Pay P10 onlayn NKM (Android POS TERMINAL P10) (keyingi oʻrinlarda - Onlayn NKM P10)
6. Faqat Oferta shartlariga muvofiq Oldi-sotdi shartnomasini tuzish boʻyicha Ommaviy oferta shartlari bilan tanishgan, shuningdek ularni hech qanday cheklovlarsiz, istisnolarsiz, izohlarsiz yoki alohida holatlarsiz toʻliq hajmda soʻzsiz qabul qiladigan shaxs Aksiya Ishtirokchisi boʻlishi mumkin. Oldi-sotdi shartnomasini tuzish uchun Ommaviy oferta Internetda quyidagi manzilda joylashtirilgan: https://smartpos.uz/.
7. Aksiyani oʻtkazishdan maqsad: Aksiya Tadbirkorlik subyektlarini Tashkilotchining tovarlarini 100% (yuz foiz) oldindan toʻlov va hamkor xizmatlari asosida sotib olishga jalb qilishga qaratilgan.
8. Taklif tafsilotlari:
   • Qurilmalar toʻplamini 100% (yuz foiz) oldindan toʻlov shartlarida har qanday mavjud va qonuniy usullar bilan sotib olish Aksiya Ishtirokchisiga qurilmalar toʻplamining belgilangan qiymatidan 10% miqdorida chegirma olish huquqini beradi. Qurilmalar toʻplamining belgilangan qiymati 4.590.000 (toʻrt million besh yuz toʻqson ming) soʻmni tashkil etadi. Chegirmani hisobga olgan holda, qurilmalar toʻplamining narxi 4 131 000 (toʻrt million bir yuz oʻttiz bir ming) soʻmni tashkil etadi. Aksiya Ishtirokchisi tomonidan taqdim etilgan chegirmani hisobga olgan holda qurilmalar toʻplami qiymati miqdorida bir martalik toʻlov amalga oshiriladi.
9. P10 onlayn-NKMni har qanday qulay va qonuniy usulda 100% (yuz foiz) oldindan to‘lov shartlarida xarid qilish Aksiya ishtirokchisiga P10 onlayn NKMning belgilangan qiymatidan 10% miqdorida chegirma olish huquqini beradi. P10 onlayn NKMning belgilangan narxi 2.900.000 (ikki million to‘qqiz yuz ming) so‘mni tashkil etadi. Taqdim etilayotgan chegirmani hisobga olgan holda, P10 onlayn NKMning narxi 2 610 000 (Ikki million olti yuz o‘n ming) so‘mni tashkil etadi. P10 onlayn NKMni xarid qilishda 10% chegirmadan tashqari, FMO bilan keyinchalik integratsiya qilish uchun dasturiy ta’minotni joriy etish va qo‘llab-quvvatlash xizmatini bepul olish huquqi ham taqdim etiladi. To‘lov Aksiya ishtirokchisi tomonidan bir vaqtning o‘zida to‘liq amalga oshiriladi. Dasturiy ta’minotni joriy etish va texnik qo‘llab-quvvatlash xizmati Aksiya ishtirokchisiga Tashkilotchining hamkori tomonidan ushbu Aksiya doirasida bepul taqdim etiladi. Aksiya oʻtkaziladigan hudud: Oʻzbekiston Respublikasining barcha hududlari.
10. Aksiya oʻtkaziladigan davr: 2025-yil 1-oktyabrdan 2025-yil 31-dekabrgacha. Aksiya oʻtkaziladigan davr Tashkilotchining tashabbusi bilan istalgan vaqtda Hamkor bilan kelishilgan holda oʻzgartirilishi, uzaytirilishi mumkin. Agar Aksiya muddati oʻzgartirilsa, uzaytirilsa, Ishtirokchilar Tashkilotchi tomonidan Internet tarmogʻidagi Tashkilotchining resurslariga tegishli ma’lumotlarni joylashtirish orqali qoʻshimcha ravishda xabardor qilinadi.
11. Aksiya qandaydir maqsadga undovchi reklama, ommaviy mukofot vaʻda qiladigan, pul-buyum lotereyasi yoki tavakkalchilikka asoslangan boshqa oʻyin emas, Ishtirokchilardan ishtirok etish uchun haq toʻlash talab etilmaydi.
12. Aksiyada ishtirok etish ixtiyoriydir. Shaxs Aksiyada ishtirok etish va Oferta shartlarini mustaqil ravishda va oʻz manfaatlarida aksept qilish (qabul qilish) toʻgʻrisida qaror qabul qiladi. Ushbu Ommaviy Ofertada hech narsa Aksiya Ishtirokchisini ma’lum harakatlarni bajarishga majburlash sifatida talqin qilinmasligi kerak. Bunda Aksiya Ishtirokchisi qurilmalar toʻplamini xarid qilishda va/yoki P10 onlayn NKM 10% chegirma taqdim etish, shuningdek, P10 Onlayn NKMni xarid qilishda FMO bilan kelgusida integratsiya qilish uchun dasturiy taʻminotni joriy etish va qoʻllab-quvvatlash xizmatini bepul koʻrsatish faqat ushbu Oferta va Oldi-sotdi shartnomasini tuzish boʻyicha Ommaviy ofertada nazarda tutilgan shartlarga toʻliq va soʻzsiz rozilik berilgandagina mumkinligini tushunadi.
13. Aksiya bonuslarini pul yoki boshqa ekvivalent bilan almashtirishga yoʻl qoʻyilmaydi.
14. Aksiyada quyidagi shaxslar ishtirok eta olmaydi:
    
    1. Aksiya davomida mazkur Ofertada belgilangan shartlarni bajarmagan Ishtirokchilar
    2. Oʻz faoliyatini Oʻzbekiston Respublikasi qonun hujjatlariga zid ravishda amalga oshiruvchi tadbirkorlik faoliyati subyektlari.
    3. Tegishli rasmiylashtirilgan vakolatlarsiz uchinchi shaxslar nomidan ish yuritadigan shaxslar
15. Tashkilotchining texnik imkoniyatlariga asoslangan holda, Tashkilotchi Ishtirokchining Aksiyada ishtirok etish holati vijdoniyligini mustaqil ravishda baholaydi. Tashkilotchi har qanday vaqtda Aksiya davomida firibgarlikka toʻsqinlik qiladigan qoʻshimcha texnik cheklovlarni joriy etish huquqini oʻzida saqlab qoladi. Tashkilotchi oʻz ixtiyoriga koʻra, Oʻzbekiston Respublikasining amaldagi qonunchiligi va ushbu Ommaviy oferta qoidalarini inobatga olgan holda, ushbu Ommaviy Ofertani buzgan, shuningdek, Oʻzbekiston Respublikasining amaldagi qonunchiligi talablarini buzgan har qanday Tadbirkorlik subyektini Aksiyada haqiqiy emas deb tan olishi va ushbu Aksiyada keyingi ishtirokini taqiqlashi mumkin.
16. Tashkilotchiga Tadbirkorlik subyektini Aksiya Ishtirokchisi maqomidan chiqaradigan holatlar ma’lum bo‘lib qolgan taqdirda (Ommaviy oferta shartlariga rioya qilmaslik, firibgarlik, Aksiyada g‘irrom ishtirok etish, ataylab noto‘g‘ri ma’lumotlar taqdim etish va hokazo), bunday tadbirkorlik subyektlari Aksiya Ishtirokchilari ro‘yxatidan chiqariladi hamda qurilma xarid qilishda 10%lik chegirma olish yoki FMO bilan keyingi integratsiya uchun dasturiy ta’minotni joriy etish va qo‘llab-quvvatlash bo‘yicha bepul xizmat ko‘rsatilish huquqidan mahrum etiladi. Aksiya Tashkilotchisi va Hamkori Tashkilotchi tomonidan https://smartpos.uz/saytida joylashtirilgan Ommaviy Oferta bilan tanishishning imkoni yoʻqligi va Aksiya Ishtirokchilari tomonidan ushbu Ofertada nazarda tutilgan majburiyatlarni oʻz vaqtida bajarmaganlik/umuman bajarmaslik uchun javobgar emas.
17. Aksiyada ishtirok etish orqali Ishtirokchi ushbu Ommaviy oferta bilan toʻliq tanishganligini va roziligini tasdiqlaydi hamda oʻz xohishiga koʻra va oʻz manfaatlarini koʻzlab, Tashkilotchiga va u vakolat bergan shaxsga shaxsiy ma’lumotlarini (Ishtirokchining familiyasi, ismi, sharifi, tugʻilgan sanasi, pasport ma’lumotlari, jinsi, ish va uyali telefon raqami, elektron pochta manzili, tadbirkorlik subyektini roʻyxatdan oʻtkazish toʻgʻrisidagi ma’lumotlar, yuridik manzil va h.k.) va Tashkilotchining Aksiya boʻyicha oʻz majburiyatlarini bajarishi maqsadida Oʻzbekiston Respublikasi qonunchiligida hamda ushbu Qoidalarda nazarda tutilgan hollarda va hajmda boshqa ma’lumotlarni toʻplash, qayta ishlash, uzatish, shu jumladan transchegaraviy, foydalanish, saqlashga rozilik beradi. Bunda, Tadbirkorlik subyektining erkin xohish bildirishini qoʻshimcha tasdiqlash uchun yozma shakl yoki boshqa dalillar talab qilinmaydi.
18. Uchinchi shaxslar tomonidan Tashkilotchiga va/yoki uning Hamkoriga nisbatan har qanday daʼvolar yuzaga kelgan taqdirda, Aksiya davomida Ishtirokchi uchinchi shaxslarning huquqlarini buzganligi sababli, Ishtirokchi bunday nizolarni mustaqil ravishda hal qilish va Tashkilotchini uchinchi shaxslarning shikoyatlari va daʼvolaridan ozod qilish masʻuliyatini oʻz zimmasiga oladi. 19. Tadbirkorlik subyekti Aksiyada ishtirok etish orqali ma’lumot va reklama joʻnatmalarini (shu jumladan, lekin ular bilan cheklanmagan holda: SMS-xabarnomalar, e-mail xabarnomalari, push-tarqatma xabar messenjerlarga, ijtimoiy tarmoqlar, shaxsiy kabinetga yuboriladigan tarqatma xabarlar, aksiya, chegirma, reaktivatsion, triggerli tarqatma xabarlarni, promo tarqatma xabarlar, kontent xatlari) dastlabki ogohlantirishsiz olishga ixtiyoriy roziligini bildiradi, Ishtirokchiga tegishli boʻlgan Onlayn-NKMda chiqariladigan cheklarda axborot va reklama takliflarini, shuningdek, “SMART Business” DTning ishlashi bilan bogʻliq tizim xabarlari va bildirishnomalarini chop etishga soʻzsiz rozilik beradi.
19. Tadbirkorlik subyekti Aksiyada ishtirok etish orqali ma’lumot va reklama joʻnatmalarini (shu jumladan, lekin ular bilan cheklanmagan holda: SMS-xabarnomalar, e-mail xabarnomalari, push-tarqatma xabar messenjerlarga, ijtimoiy tarmoqlar, shaxsiy kabinetga yuboriladigan tarqatma xabarlar, aksiya, chegirma, reaktivatsion, triggerli tarqatma xabarlarni, promo tarqatma xabarlar, kontent xatlari) dastlabki ogohlantirishsiz olishga ixtiyoriy roziligini bildiradi, Ishtirokchiga tegishli boʻlgan Onlayn-NKMda chiqariladigan cheklarda axborot va reklama takliflarini, shuningdek, “SMART Bus
20. Tashkilotchi oʻz ixtiyori bilan bir tomonlama ravishda, istalgan vaqtda, oldindan ogohlantirish va tushuntirishlarsiz, Aksiyani toʻliq yoki vaqtincha toʻxtatib turish, shuningdek ushbu Ommaviy Ofertaga har qanday oʻzgartirish va qoʻshimchalar kiritish huquqini oʻzida saqlab qoladi. Aksiyani muddatidan oldin tugatish, toʻxtatib turish, ommaviy Ofertaga oʻzgartirish va qoʻshimchalar kiritish daʻvolarni keltirib chiqara olmaydi. Aksiya oʻtkazish muddatidan oldin tugatilgan, uzaytirilgan, Ommaviy Ofertaga oʻzgartirish va qoʻshimchalar kiritilgan taqdirda, Tashkilotchi oʻzining https://smartpos.uz/ rasmiy Saytida va (yoki) Ishtirokchining shaxsiy kabinetida tegishli ma’lumotlarni joylashtirish yoʻli bilan bu haqda amaldagi va (yoki) ehtimoliy Ishtirokchilarni ommaviy ravishda xabardor qilishga majburdir. Shuningdek, Tashkilotchi ixtiyoriy ravishda tanlov boʻyicha tegishli ma’lumotlarni Facebook, Instagram, Telegram ijtimoiy tarmoqlariga joylashtirish huquqini oʻzida saqlab qoladi.
21. Tashkilotchi va Hamkor ushbu ommaviy Oferta shartlaridan tashqari tushunmovchiliklar, notoʻgʻri izohlar, taxminlar yoki fikrlar natijasida kelib chiqadigan har qanday daʻvo yoki zarar uchun javobgar emas. Agar biron bir savol, tushunmovchilik yoki boshqa bahsli vaziyatlar yuzaga kelsa, Aksiya Ishtirokchisi Tashkilotchiga murojaat qilib, ularni aniqlashtirish/hal qilish uchun barcha choralarni koʻrishi kerak.
22. Tashkilotchi va Hamkor Tashkilotchi va Hamkorning oʻz majburiyatlarini bajarishiga bevosita taʻsir koʻrsatadigan fors-major holatlari yuzaga kelganda, jumladan, ammo cheklanmagan holda: suv toshqinlari, yongʻinlar, ish tashlashlar, zilzilalar yoki boshqa tabiiy omillar, ommaviy epidemiyalar, davlat yoki huquqni muhofaza qilish organlarining buyruqlari va Tashkilotchi va Hamkorga bogʻliq boʻlmagan boshqa obyektiv sabablar uchun Aksiya Ishtirokchilari oldida javobgar boʻlmaydi.
23. Ushbu Ommaviy Ofertada nazarda tutilmagan barcha boshqa holatlarda Aksiya Tashkilotchisi, Oʻzbekiston Respublikasining amaldagi qonunchiligiga muvofiq amal qiladi. Tomonlarning javobgarlik choralari, shuningdek nizolarni hal etish tartibi Oʻzbekiston Respublikasining amaldagi qonunchiligi talablariga muvofiq belgilanadi.
24. Ushbu Ommaviy Ofertada nazarda tutilmagan oʻzaro munosabatlar Oʻzbekiston Respublikasining amaldagi qonunchiligiga muvofiq tartibga solinadi.
25. Ushbu Ommaviy Ofertaning amal qilish muddati Aksiya muddati tugagunga qadar va u bilan bogʻliq majburiyatlar bajarilgunga qadar deb belgilanadi.
26. Ushbu Ommaviy Oferta Oʻzbekiston Respublikasi hududida roʻyxatdan oʻtgan Tadbirkorlik subyektlariga qaratilgan. Aksiyada ishtirok etish, unda koʻrsatilgan shartlar boʻyicha Ommaviy Oferta bilan toʻliq kelishuvni anglatadi.

Tashkilotchi
“PRIME ONLINE TECHNOLOGY” MCHJ
Manzil: Toshkent shahri, Bektemir tumani, Oltintopgan koʻchasi, 29.
STIR: 306866358, IFUT (OKED): 46690,
H/R: 2020 8000 4051 4368 5001,
Toshkent sh., KAPITAL BANK ATB,
FAA (MFO): 01088
Direktor S. X. Saydaliyev


Hamkor
“CENTER FOR DIGITAL TECHNOLOGY AND INNOVATION” AJ
Manzil: Toshkent shahri, Yashnobod tumani, Maxtumquli koʻchasi, 81.
STIR:306344019,
h/r: 2020 8000 0050 6594 4001 Toshkent sh. “HAMKORBANK” ATB,
FAA (MFO): 00083.
Bosh direktor Andrey Ko N.