1. ATAMALAR VA TA’RIFLAR.

2. OFERTA PREDMETI.

3. TOMONLARNING HUQUQ VA MAJBURIYATLARI.

2.1. Ushbu Ofertaning predmeti Foydalanuvchiga SMART | Supply Servisidan va uning funksional imkoniyatlaridan tanlangan xizmatlar va/yoki tarif rejasi doirasida foydalanish imkoniyatini taʼminlash uchun Xizmatlarni taqdim etishdan iborat. Bundan tashqari, agar Foydalanuvchi texnik xizmat koʻrsatishni oʻz ichiga olgan xizmatlar va/yoki tarif rejasini tanlagan boʻlsa, Foydalanuvchiga Qurilma uchun texnik xizmat koʻrsatish xizmatlari taqdim etiladi. Har qanday Yuridik shaxs va/yoki Yakka tartibdagi tadbirkor ushbu Shartnomani aksept qilishi, quyidagi konklyudiv harakat: Operator xizmatlari uchun oldindan toʻlovni amalga oshirishni bajarishi va shu bilan mazkur Shartnomani tuzishi mumkin.
2.2. Foydalanuvchi SMART | Supply Servisidan ushbu Shartnoma shartlariga muvofiq foydalanishga majbur.
2.3. SMART | Supply Servisidan foydalanish uchun Foydalanuvchiga mazkur Oferta bilan tanishib chiqish, uni qabul qilish va www.smartpos.uz saytida joylashtirilgan yoʻriqnomaga muvofiq Roʻyxatdan oʻtishi lozim boʻladi. Ushbu Ofertaning qabul qilinishi mazkur Shartnomaning Aksepti hisoblanib, bu Foydalanuvchi roʻyxatdan oʻtguniga qadar mazkur Shartnoma shartlari bilan toʻliq hajmda tanishib chiqishini anglatadi, ushbu Shartnomaning barcha shartlarini toʻliq hajmda hech qanday istisno va cheklovlarsiz qabul qiladi, Shartnomaga qoʻshiladi va unga rioya qilish majburiyatini oladi. Foydalanuvchi Shartnoma qoidalari bilan kelishmagan holda Servisdan foydalanish, shuningdek, Roʻyxatdan oʻtish jarayoni darhol toʻxtatilishi lozim.
2.4. Foydalanuvchi mazkur Shartnomani qabul qilar ekan, oʻzining huquqiy layoqati va huquqiy qobiliyatini, roʻyxatdan oʻtish vaqtida uning tomonidan kiritilgan maʼlumotlarning aniqligi, ishonchliligi, dolzarbligini tasdiqlaydi va notoʻgʻri yoki toʻliqsiz axborot taqdim etishi natijasida kelib chiqqan noqulay oqibatlar uchun javobgarlikni oʻz zimmasiga oladi.
2.5. Operator Bitimning ishtirokchisi, tashkilotchisi, xaridor, yetkazib beruvchi, ish beruvchi, vositachi, agent, qandaydir sotuvchi, xaridor, foyda koʻruvchi yoki Foydalanuvchilar oʻrtasidagi bitimlar boʻyicha boshqa manfaatdor shaxsning vakili yemas. Foydalanuvchilar Operatorning bevosita yoki bilvosita ishtirokisiz yoki nazoratisiz bitimlar tuzish uchun Tizimda joylashtirilgan maʼlumotlardan foydalanadilar.
2.6. Operator texnik imkoniyatlarni hisobga olgan holda xizmatlarni taqdim yetadi. Foydalanuvchi Oferta akseptini amalga oshirar ekan, taqdim etilayotgan xizmatlar murakkab elektron xizmat ekanligi, Operatorning nazorati ostida boʻlmagan juda koʻp turli xil omillarga bogʻliq ekanligi haqida xabardor va tushunadi (aloqa kanallarining ishlashi, foydalaniladigan serverlarning qoidalari va APIdagi oʻzgarishlar, xabarlarni yetkazib berish xizmatlari va boshqalar). Shu munosabat bilan xizmatlarning uzluksiz taqdim etilishi kafolatlanmaydi, uzilishlar yuzaga kelishi mumkin.
2.7. Shartnoma Operator tomonidan bir tomonlama tartibda, Foydalanuvchi bilan oldindan kelishilmagan holda, oʻzgartirishlarni www.smartpos.uz saytga joylashtirish orqali oʻzgartirilishi mumkin. Oʻzgartirishlar saytda eʼlon qilingan vaqtdan boshlab, Foydalanuvchi Operator tomonidan kiritilgan oʻzgartirishlar toʻgʻrisida xabardor qilingan hisoblanadi. Foydalanuvchi Operator tomonidan kiritilgan oʻzgartirishlar bilan rozi boʻlmagan taqdirda, bunday oʻzgartirishlar e’lon qilingan kundan boshlab 5 kalendar kun ichida Operatorga tegishli ariza yuborish orqali Shartnomadan voz kechish huquqiga ega. Operatorning bunday arizani qabul qilmaganligi, Foydalanuvchi tomonidan Shartnomaning oʻzgartirilgan shartlarini soʻzsiz qabul qilishini anglatadi. Operator Foydalanuvchilarga mazkur Shartnoma shartlarini uni oʻzgartirish va/yoki toʻldirish maqsadida www.smartpos.uz saytida muntazam ravishda kuzatib borishni tavsiya etadi. Foydalanuvchi ushbu Ofertaga oʻzgartirishlar va qoʻshimchalar kiritish Shartnomaga Aksept yoʻli bilan tuzilgan va Tomonlar oʻrtasida amalda boʻlgan oʻzgartirish va qoʻshimchalar kiritilishiga olib kelishiga va ular mazkur Shartnomadagi bunday oʻzgartirishlar bilan bir vaqtda kuchga kirishiga rozi boʻladi. Ushbu Taklif Tizimning barcha mavjud va amalda ishlayotgan funksiyalarini, shuningdek, ularning har qanday keyingi oʻzgarishlari va kelgusida yuzaga keladigan qoʻshimcha xizmatlarini qamrab oladi.
2.8. Saytda va Tizimda joylashtirilgan barcha obyektlarga nisbatan istisnoli huquqlar Operatorga tegishli, yaʼni Operator dizayn elementlari, matnlar, grafikalar, illyustratsiyalar, videolar, skriptlar, dasturlar va boshqa obyektlar (kontent) boʻyicha istisnoli huquqlarga ega. Operator Tizimni boshqaradi, uning tuzilishini, koʻrinishini belgilaydi, Foydalanuvchilarning Tizimga kirishiga ruxsat beradi yoki cheklaydi, unga tegishli boshqa huquqlarni amalga oshiradi.
2.9. Tizimdan foydalanishga mazkur Shartnomada nazarda tutilgan shartlar asosida ruxsat beriladi. Tizimga kirish haq evaziga taqdim etiladi. Tizimdan toʻliq foydalanish imkoniyatini qoʻlga kiritish uchun Foydalanuvchi koʻrsatmalarga muvofiq ixtiyoriy ravishda Roʻyxatdan oʻtishi kerak. Roʻyxatdan oʻtish barcha bosqichlar muvaffaqiyatli oʻtilgan taqdirdagina yakunlangan hisoblanadi. Tizimda roʻyxatdan/identifikatsiyadan oʻtgandan Foydalanuvchiga Shaxsiy kabinetga kirish huquqi beriladi.
2.10. Tizimni rivojlantirish jarayonida Foydalanuvchi uchun mavjud variantlar roʻyxati Operator tomonidan Foydalanuvchini oldindan ogohlantirmasdan oʻzgartirilishi mumkin.
2.11. Tizim haqoratli soʻzlardan foydalanishni, qoʻpol muloqot qilishni, Operator imidjiga salbiy taʼsir koʻrsatadigan, behayo koʻrinishga ega boʻlgan, boshqa shaxslarning shaʼni va qadr-qimmatini, huquqlari va qonun bilan qoʻriqlanadigan manfaatlarini maʼlum darajada poymol etuvchi maʼlumotlar va tovarlarni yoki diniy, irqiy va milliy adovatni qoʻzgʻatuvchi chaqiriqlarni, shuningdek, Oʻzbekiston qonunchiligini va mualliflik huquqini buzuvchi har qanday materiallarni oʻz ichiga olgan maʼlumotlarni joylashtirishni taqiqlaydi. Qoidabuzarliklar aniqlangan hollarda, Foydalanuvchi toʻliq javobgarlikni oʻz zimmasiga oladi.
2.12. Hisobot davri uchun mukofotning turi, hajmi va miqdori ushbu Shartnomaning ajralmas qismi hisoblangan hamda ko‘rsatiladigan xizmatlar va Tarif rejalarining qiymati aks ettirilgan Shartnomaga Ilovada belgilanadi.
2.13. Texnik xizmat ko‘rsatish uchun Foydalanuvchining Operatorning hamkori bo‘lgan “PRIME ONLINE TECHNOLOGY” MChJdan xarid qilingan, Shartnoma tuzilgan paytda soz holatda bo‘lgan Qurilmalari qabul qilinadi.
2.14. Qurilmalarni ta’mirlash xarajatlari ushbu Shartnoma narxiga kirmaydi. Qurilmalarni ta’mirlash Operatorning hamkori bo‘lgan “PRIME ONLINE TECHNOLOGY” MCHJ (matnda keyingi o‘rinlarda – Servis markazi) tomonidan, diagnostika va ta’mirlash xizmatlarini ko‘rsatish/ishlarini amalga oshirish haqidagi Ofertaga asosan, shuningdek Operatorning xizmat ko‘rsatish nuqtalarida amalga oshiriladi. Foydalanuvchi qurilmani ta’mirlash uchun to‘lovni amalga oshirar ekan, Oferta matni bilan to‘liq tanishganligini va uning barcha shartlarini qabul qilishini tasdiqlaydi. Qurilmadagi nosozliklarni bartaraf etish imkoni bo‘lmaganda (mutaxassis xulosasiga ko‘ra) yoki Qurilmani joyida ta’mirlash uchun sharoitlar mavjud bo‘lmaganda, nosoz qurilma Foydalanuvchi tomonidan keyinchalik Servis markaziga topshirish va ta’mirlash uchun Operatorning xizmat ko‘rsatish nuqtalariga yetkazilishi shart. Ta’mirlash ishlarini amalga oshirish muddati qurilma ta’miri uchun 100% oldindan to‘lov amalga oshirilgan paytdan boshlab kamida 5 (besh) ish kunini tashkil etadi. Agar ta’mirlash amalga oshirilgandan va qurilma Buyurtmachiga qaytarilgandan so‘ng 3 (uch) ish kuni ichida Buyurtmachidan qurilmani ta’mirlash bo‘yicha yozma e’tirozlar kelib tushmasa, ishlar to‘liq hajmda bajarilgan hisoblanadi, bunda alohida Dalolatnoma tuzilmasligi mumkin.
2.15. Agar SMART | Supply tizimidan foydalanish huquqi va/yoki qurilmalarga texnik xizmat ko‘rsatish bo‘yicha xizmatlar ko‘rsatilgan hisobot oyidan keyingi 3 (uch) kalendar kuni ichida Buyurtmachidan yozma e’tirozlar kelib tushmagan bo‘lsa, xizmatlar to‘liq hajmda bajarilgan hisoblanadi, bunda alohida Dalolatnoma tuzilmasligi mumkin.

4. TO‘LOV MIQDORI VA TARTIBI.

4. 1. Shartnoma bo‘yicha haq miqdori Foydalanuvchi tanlagan xizmatlar va/yoki Tarif rejasi asosida aniqlanadi. Bu ma’lumotlar ushbu Shartnomaning ajralmas qismi hisoblangan 1-ilovada, shuningdek Ofertani qabul qilish paytida va Shaxsiy kabinetda aks ettirilgan. Operator mukofotining hisobot davri uchun summasi qat’iy belgilangan va/yoki to‘lov kuni (hisobot davri boshlanish sanasi)da O‘zbekiston Respublikasida o‘rnatilgan BHMga nisbatan foizda ifodalangan.
4. 2. Operator istalgan vaqtda xizmatlar narxi va tarif rejasini o‘zgartirish huquqini o‘zida saqlab qoladi. Bunday o‘zgarishlar www.smartpos.uz saytida e’lon qilinadi.
4. 3. Tanlangan xizmatlar va/yoki tarif rejasi uchun to‘lov Foydalanuvchi tomonidan ushbu Shartnoma qabul qilingan paytdan boshlab 1 (bir) ish kuni ichida Operatorning hisob raqamiga 100% oldindan to‘lov sifatida amalga oshiriladi. Hisobot davri xizmatlar uchun to‘lov tushgan sanadan boshlanadi va shu sanadan e’tiboran bir kalendar oy davomida amal qiladi. Keyingi hisobot davrlari uchun to‘lov Foydalanuvchi tomonidan joriy hisobot davri tugashidan oldin 100% oldindan to‘lov tartibida amalga oshiriladi. Foydalanuvchi bir necha keyingi hisobot davrlari uchun oldindan to‘lov qilish huquqiga ega.
4. 4. Shartnoma bo‘yicha to‘lov naqd pulsiz tartibda amalga oshiriladi, hisob-kitoblar O‘zbekiston Respublikasi so‘mida yuritiladi. Operatorning hisob raqamiga pul mablag‘lari kelib tushgan sana to‘lov sanasi hisoblanadi.
4. 5. Dastlab sotib olingan xizmatlar va/yoki tarif rejasi ushbu Shartnomada ko‘rsatilgan Operatorning hisob raqamiga to‘lov tushgan kundan boshlab kuchga kiradi.
4. 6. Xizmatlar turi va/yoki tarif rejasi o‘zgartirilganda, agar yangi xizmatlar va/yoki tarif rejasi amal qila boshlagan kunda avvalgi xizmatlar va/yoki xuddi shu turdagi tarif rejasining muddati tugamagan bo‘lsa, yangi xizmatlar va/yoki tarif rejasi avvalgilarining muddati tugagan kunning ertasidan boshlab va ushbu Shartnomaning 4.3-bandida nazarda tutilgan talablarga rioya qilish sharti bilan kuchga kiradi.
4. 7. Ushbu Shartnoma shartlariga muvofiq Foydalanuvchi tomonidan bunday majburiyatlar bajarilishi kerak bo‘lgan paytdan boshlab 100% oldindan to‘lov amalga oshirilmaganligi Operatorning SMART|Supply tizimiga kirishni va uning funksional imkoniyatlaridan foydalanishni bloklash uchun asos bo‘ladi. Tizimga kirish va uning funksional imkoniyatlaridan foydalanishni qisman yoki to‘liq bloklash Operatorning ushbu Shartnoma bo‘yicha majburiyatlarini buzish hisoblanmaydi. SMART|Supply tizimiga kirish va uning funksional imkoniyatlaridan foydalanishni qayta tiklash faqat qarzdorlik to‘liq qoplangandan va Foydalanuvchi ushbu Shartnoma bo‘yicha o‘z majburiyatlarini bajargandan so‘nggina mumkin bo‘ladi.
4. 8. Ushbu Shartnomaning amal qilish davrida Tomonlar moliyaviy shartlarni hisob-fakturalarni taqdim etish orqali kelishib oladilar. Ushbu Shartnoma doirasida hisob-fakturalarni taqdim etish va to‘lash cheklanmagan miqdorda amalga oshirilishi mumkin.
4. 9. Texnik xizmat ko‘rsatishni o‘z ichiga olgan tarif rejasi bo‘yicha oylik to‘lov miqdoriga qurilmalarni ta’mirlash ishlari, sarf materiallar va transport xarajatlari kiritilmagan. Foydalanuvchi qurilmalarni ta’mirlash ishlari, ta’mirlash uchun zarur bo‘lgan sarf materiallar hamda transport xarajatlarini alohida ravishda Xizmat ko‘rsatish markazining hisob raqamiga, markazning Oferta shartlariga muvofiq to‘laydi. Qurilmada nosozlik yoki ishlamay qolish holati aniqlansa, Foydalanuvchi qurilmani Operatorning xizmat ko‘rsatish punktiga olib boradi. Qurilmani diagnostika qilish va keyinchalik ta’mirlash bo‘yicha murojaat qilingan kuni Xizmat ko‘rsatish markazi Buyurtmachiga qurilmani Toshkent shahridagi Xizmat ko‘rsatish markaziga yetkazib berish xarajatlarini qoplaydigan to‘lov hisob-fakturasini taqdim etadi. Transport xarajatlari Foydalanuvchi tomonidan 1 (bir) ish kuni ichida to‘lanishi shart. Foydalanuvchi transport xarajatlarini to‘laganidan so‘ng, qurilma Xizmat markaziga yuboriladi. Agar Foydalanuvchi hisob-faktura taqdim etilgan kundan boshlab 1 (bir) ish kuni ichida transport xarajatlarini to‘liq oldindan to‘lamasa, qurilma Xizmat markaziga yuborilmaydi va Operator Foydalanuvchiga ta’mirlash muddati davomida zaxira qurilmani taqdim etmaydi. Servis markazi diagnostika natijalariga ko‘ra Foydalanuvchiga ta’mirlash qiymati va zarur hollarda sarflanadigan materiallar uchun to‘lov haqida hisob taqdim etadi. Foydalanuvchi bu hisobda ko‘rsatilgan summani 2 (ikki) ish kuni ichida to‘lashi lozim. Foydalanuvchidan Servis markazining hisob raqamiga pul mablag‘lari kelib tushgandan so‘ng, markaz qurilmani ta’mirlashga kirishadi. Agar 2 (ikki) ish kuni ichida Foydalanuvchi ta’mirlash qiymati va sarflanadigan materiallar uchun 100% oldindan to‘lovni amalga oshirmasa, Servis markazi qurilmani ta’mirlamasdan qaytaradi. Bunda qurilmani diagnostika qilish uchun yetkazib berish bo‘yicha Foydalanuvchi tomonidan ilgari to‘langan transport xarajatlari qaytarilmaydi.
4. 10. Hisobot davri tugagan paytdan boshlab 3 (uch) kalendar kun ichida Operator ko‘rsatilgan xizmatlar sifati bo‘yicha e’tirozlar olmasa, Operatorning majburiyatlari tegishli tarzda bajarilgan va Foydalanuvchi tomonidan to‘liq hajmda e’tirozlarsiz qabul qilingan deb hisoblanadi.
4. 11. Shartnoma shartlari bajarilganda, moliyaviy hujjatlar O‘zbekiston Respublikasi qonun hujjatlariga muvofiq har qanday usulda Foydalanuvchiga yuborilishi mumkin.

5. TOMONLARNING JAVOBGARLIGI.

5. 1. Ushbu Shartnomani bajarmaganlik yoki lozim darajada bajarmaganlik uchun Tomonlar Oʻzbekiston Respublikasi qonunchiligi normalari va Shartnoma shartlariga muvofiq javobgar boʻladilar.
5. 2. Operatorning mualliflik huquqi va istisnoli huquqlarini buzganlik uchun jinoiy va fuqarolik javobgarligi nazarda tutilgan. Har qanday qoidabuzarliklar Operator tomonidan sudda koʻrib chiqiladi. Foydalanuvchilar tomonidan Operatorning istisnoli huquqlari buzilgan taqdirda, Operator Foydalanuvchiga Servislarni taqdim etishni rad etishga, shuningdek, 200 (ikki yuz) BHM (bazaviy hisob miqdorlari) miqdorida, qiymatlar har bir qoidabuzarlik holati uchun, shuningdek, yetkazilgan barcha yoʻqotishlar, shu jumladan, yoʻqolgan foyda uchun kompensatsiya toʻlashni talab qilishga haqli.
5. 3. Saytga kirish parolini saqlash va uning uchinchi shaxslarga oshkor boʻlmasligini ta’minlash uchun Foydalanuvchining oʻzi javobgardir. Foydalanuvchi Tizimda Roʻyxatdan oʻtish jarayonida oʻzi haqida notoʻgʻri maʼlumotlarni taqdim etishi, Tizimdan foydalanish jarayonida koʻrsatilgan maʼlumotlarning oʻz vaqtida yangilanmaganligi, shuningdek, ularni uchinchi shaxslarga oʻtkazishi va boshqa shaxslarga oʻtkazilishi natijasida yuzaga kelishi mumkin boʻlgan xavf va zarar va/ yoki uchinchi shaxslarning koʻrsatilgan maʼlumotlarga yoki tizimga ruxsatsiz kirishiga olib kelgan harakatlari yoki harakatsizligi uchun javobgardir.
5. 4. Foydalanuvchi tomonidan Shartnoma shartlari buzilgan taqdirda, Operator istalgan vaqtda ogohlantirmasdan Foydalanuvchining SMART|Supply Tizimga kirishini cheklash yoki bloklash huquqiga ega. Foydalanuvchi tomonidan Shartnoma shartlari buzilgan taqdirda, Foydalanuvchi Operatorga bunday harakatlar natijasida yetkazilgan zararni, shu jumladan, bevosita va bilvosita yoʻqotishlarni qoplash majburiyatini oladi.
5. 5. Operator, har qanday zararlar, jumladan, boy berilgan foyda, Foydalanuvchiga, xususan, Operator tomonidan taqdim etilgan xizmatlardan foydalanish imkoni boʻlmasligi, jumladan, Tizimda va uning komponentlaridagi vaqtinchalik texnik buzilishlar va uzilishlar, Tizimga xizmat koʻrsatish boʻyicha rejali va rejadan tashqari tadbirlar, dastur va appratdagi xatoliklar, ishdagi uzilishlar, fayllarning yoʻq qilinishi, vazifalarning oʻzgartirilishi, kompyuterdagi yoki Foydalanuvchining boshqa texnik moslamasidagi nuqsonlar, maʼlumotlarni uzatish vaqtidagi kechikishlar va aloqa xizmatlari sifati bilan bogʻliq boshqa vaziyatlar, jumladan, uzilishlar, beqaror aloqa, maʼlumotlarni uzatish tezligining yetishmasligi, Internet tarmogʻidagi notoʻgʻri ishlash va natijasida yetkazilgan zarar uchun javobgar hisoblanmaydi. Bunday holda, xizmatlar toʻgʻri koʻrsatilgan deb hisoblanadi va toʻliq toʻlanadi.
5. 6. Operator har qanday zarar, jumladan Tizimdan va uning komponentlaridan foydalanish natijasida kelib chiqqan har qanday bevosita va bilvosita oqibatlar, uchinchi shaxslar tomonidan Servisdan, Foydalanuvchining Shaxsiy kabinetidan,Foydalanuvchining identifikatsion maʼlumotlaridan ruxsatsiz foydalanish yuzaga kelgan, Foydalanuvchining Tizimdan foydalanish va xizmatlarni boshqarishdagi notoʻgʻri harakatlanishi, shuningdek, Operator xizmatlariga uchinchi shaxslarning ruxsatsiz kirishi natijasida yetkazilgan zararlar uchun javobgar hisoblanmaydi.
5. 7. Foydalanuvchi tomonidan mazkur Shartnoma shartlariga rioya qilinmagan, shuningdek, majburiyatlari lozim darajada bajarilmagan taqdirda, Operator ushbu Ommaviy Oferta Shartnomasini bir tomonlama tartibda bekor qilish va Foydalanuvchi oʻz majburiyatlarini bajarmasligi natijasida yetkazilgan zararlarni, shu jumladan, sud xarajatlarini Foydalanuvchidan undirish maqsadida sudga murojaat qilish huquqiga ega.
5. 8. Foydalanuvchi oʻzi yuklagan, yuborgan, uzatgan yoki SMART|Supply Tizimda boshqa har qanday husulda mavjud boʻlgan barcha maʼlumotlar uchun toʻliq javobgar.
5.9. Shartnoma shartlariga muvofiq Operator tomonidan koʻrsatilgan xizmatlar uchun foydalanuvchi tomonidan toʻlov oʻz vaqtida amalga oshirilmagan taqdirda, Foydalanuvchi Operatorga kechiktirilgan har bir kun uchun kechiktirilgan toʻlov qiymatining 0,4% miqdorida, lekin qarz summasining 40% dan koʻp boʻlmagan miqdorda jarima toʻlash majburiyatini oladi. Penya va/yoki jarimalarni toʻlash Foydalanuvchini oʻz zimmasiga olgan majburiyatlarini lozim darajada bajarishdan ozod etmaydi.
5.11. Agar Qurilmani saqlash yoki ishlatish qoidalarining buzilishi aniqlansa yoki Foydalanuvchining aybi bilan muhrlar buzilgan boʻlsa yoki tarif rejasiga muvofiq Qurilmaga texnik xizmat koʻrsatish xizmatlarini olayotgan Foydalanuvchi Shartnoma talablarini buzsa, Operator Shartnomani bir tomonlama tartibda bekor qilishi mumkin. Bu holda, Foydalanuvchining Shartnoma boʻyicha toʻlovi qaytarilmaydi.
5.12. Foydalanuvchining aybi bilan fiskal modul shikastlangan, yoʻqolgan yoki tugatilgan boʻlsa, Foydalanuvchi BHMning 50% miqdorida CDTI’ga zararni qoplashi shart.
5. 13. Tomonlar Shartnomaning bajarilishiga bevosita yoki bilvosita toʻsqinlik qiladigan fors-major holatlari, yaʼni Tomonlarning ixtiyoriga bogʻliq boʻlmagan, Shartnoma tuzish vaqtida ular tomonidan aytib boʻlmaydigan va ular sodir vaqtda ongli vositalar bilan oldini olishlari mumkin boʻlmagan vaziyatlar taʼsiri tufayli mazkur Shartnoma boʻyicha oʻz majburiyatlarini bajara olmaganligi yoki tegishlicha bajara olmaganligi uchun javobgarlikdan ozod etiladilar. Fors-major holatlariga quyidagilar kiradi: urush, harbiy harakatlar, qoʻzgʻolonlar, epidemiyalar, zilzilalar, suv toshqinlari, tabiiy yongʻinlar, boʻronlar, sanitariya-epidemiologik vaziyatning oʻzgarishi, ofatlar, Shartnoma mavzusiga bevosita taʼsir koʻrsatadigan hokimiyat organlarining harakatlari. Fors-major holatlaridan jabrlangan Tomon imkon qadar qisqa vaqt ichida, 5 (besh) kalendar kunidan kechiktirmay, boshqa Tomonni voqea haqida yozma ravishda xabardor qiladi. Fors-major holatlari 60 (oltmish) kundan ortiq davom yetgan taqdirda, Tomonlar mazkur Shartnomaning keyingi huquqiy taqdirini birgalikda belgilaydilar.

6. SHARTNOMA MUDDATI, SHARTNOMANI O‘ZGARTIRISH VA BEKOR QILISH TARTIBI.

6. 1. Shartnoma Foydalanuvchi tomonidan Aksept qilingan paytdan boshlab kuchga kiradi. Mazkur Shartnoma nomaʼlum muddatga tuziladi. Tizim va uning funksional imkoniyatlaridan foydalanish huquqi Foydalanuvchi tomonidan Operator xizmatlari uchun toʻlov amalga oshirilgan muddatga beriladi.
6. 2. Operator oʻz xohishiga koʻra, bir tomonlama tartibda, Foydalanuvchi bilan oldindan kelishilmagan holda, Oferta shartlariga oʻzgartirishlar kiritish, Ofertani istalgan vaqtda qaytarib olish huquqini oʻzida saqlab qoladi. Barcha oʻzgartirishlar Operator tomonidan www.smartpos.uz rasmiy veb-saytida eʼlon qilinadi. Oʻzgartirishlar saytda eʼlon qilingan vaqtdan boshlab, Foydalanuvchi Operator tomonidan kiritilgan oʻzgartirishlar toʻgʻrisida xabardor qilingan hisoblanadi. Foydalanuvchi Operator tomonidan kiritilgan oʻzgartirishlar bilan rozi boʻlmagan taqdirda, bunday oʻzgartirishlar eʼlon qilingan kundan boshlab 5 kalendar kun ichida tegishli ariza yuborish orqali Shartnomadan voz kechish huquqiga ega. Operatorning bunday arizani qabul qilmaganligi, Foydalanuvchi tomonidan Shartnomaning oʻzgartirilgan shartlarini soʻzsiz qabul qilishini anglatadi.
6. 3. Foydalanuvchi istalgan vaqtda roʻyxatdan oʻtgan pochta orqali, shuningdek, Operatorning elektron pochta manziliga Shartnomani bekor qilish sanasidan 30 (oʻttiz) kalendar kun oldin yozma xabarnoma yuborish orqali bir tomonlama tartibda Operator xizmatlaridan voz kechish va Shartnomani bekor qilish huquqiga ega. Mazkur Shartnoma Foydalanuvchi tomonidan Operatorga mazkur Shartnomani bajarishni bir tomonlama rad etish toʻgʻrisida yozma xabar yuborilgan kundan boshlab, 30 kalendar kunidan keyin bekor qilinadi. Shartnomaning bekor qilinishi Foydalanuvchini moliyaviy majburiyatlarini bajarishdan ozod etmaydi.
6.4. Shartnoma har qanday sababga koʻra muddatidan oldin bekor qilingan taqdirda, mazkur Shartnomaga muvofiq Foydalanuvchi tomonidan toʻlangan toʻlov qaytarilmaydi.
6. 5. Foydalanuvchi tomonidan ushbu Oferta shartlari buzilgan taqdirda (shu jumladan, bir martalik), Operator istalgan vaqtda Shartnomani bajarishni rad etishga, SMART|Supply Tizimga kirishni va undan foydalanishni butunlay blokirovka qilishga haqli. Bunda Foydalanuvchini yozma ogohlantirish talab qilinmaydi. Bunday hollarda Foydalanuvchi tomonidan ushbu Shartnomaga muvofiq toʻlangan toʻlov qaytarilmaydi.
6. 6. Operator mazkur Shartnomani sabablarni tushuntirmasdan va istalgan vaqtda, Foydalanuvchiga tegishli xabar yuborish yoʻli bilan bir tomonlama bekor qilish sanasidan oʻn kalendar kun oldin, har qanday qulay usulda, jumladan, elektron pochta manzilga, shaxsiy kabinetga yuborish huquqiga ega. Bunda Tomonlar bu haqda lozim darajada xabardor qilingan Foydalanuvchi esa uning manziliga buyurtma xat joʻnatilgan vaqtdan boshlab, Foydalanuvchidan xatni olganligi haqidagi xabarnomani tasdiqlamasidan va/yoki Operatorning elektron manziliga joʻnatilgan matnli elektron xati olinganligi tasdiqlanmasidan xabarnoma joʻnatilgan deb belgilashadi.

7. NIZOLARNI TARTIBGA SOLISH.

7.1. Shartnomani bajarish bilan bogʻliq har qanday nizo yoki kelishmovchilik yuzaga kelgan hollarda, Tomonlar ularning vakolatli vakillari oʻrtasida muzokaralar olib borish orqali ularni hal qilish uchun barcha saʼy-harakatlarni amalga oshiradilar.
7. 2. Tomonlar oʻrtasidagi barcha nizolar muzokaralar yoʻli bilan hal qilinadi. Muzokaralar jarayonida Tomonlar oʻrtasida kelishuv mavjud boʻlmasa, nizolar majburiy daʼvo tartibiga rioya qilgan holda, Toshkent tumanlararo iqtisodiy sudida sud tartibida hal etiladi. Daʼvoni qabul qilgan Tomon uni koʻrib chiqishi va boshqa tomonga daʼvo kelib tushgan kundan boshlab 10 (oʻn) kalendar kuni ichida yozma asosli javob yuborishi shart.

8. SHAXSIY MA’LUMOTLAR

8. 1. Foydalanuvchi Operatorga Tizimda roʻyxatdan oʻtish paytida, shuningdek, Tizimdan hamda uning funksional imkoniyatlaridan foydalanish jarayonida kiritilgan shaxsiy maʼlumotlarini toʻplash va qayta ishlashga rozilik beradi. Foydalanuvchining shaxsiy maʼlumotlarini toʻplash va qayta ishlash quyidagi maqsadlarda amalga oshiriladi: Foydalanuvchiga Tizimdan foydalanish huquqini berish; Foydalanuvchi bilan aloqa qilish, shu jumladan, Tizimdan foydalanish va xizmatlarni taqdim etish boʻyicha bildirishnomalar, soʻrovlar va maʼlumotlarni yuborish; marketing, tahliliy va boshqa tadqiqotlarni oʻtkazish.
8. 2. Foydalanuvchining Shaxsiy maʼlumotlarni qayta ishlashga roziligi Operatorga quyidagi: Oʻzbekiston Respublikasi qonunchiligida nazarda tutilgan hollarda va hajmda maʼlumotlarni toʻplash, qayta ishlashning avtomatlashtirilgan vositalaridan foydalangan holda/foydalanmasdan tizimlashtirish, toʻplash, saqlash, aniqlik kiritish (yangilash, oʻzgartirish), foydalanish va tarqatish, Shaxsiy maʼlumotlarni depersonalizatsiya, blokirovka qilish va yoʻq qilish kabi huquqlarni beradi.
8.3. Operator Oʻzbekiston Respublikasi qonunchiligi va Shartnomaga muvofiq Foydalanuvchining Shaxsiy maʼlumotlarini qayta ishlash, shuningdek, qayta ishlangan Shaxsiy maʼlumotlarning maxfiyligi va himoyasini taʼminlash majburiyatini oladi. Shaxsiy maʼlumotlarni qayta ishlashda Operator Foydalanuvchidan olingan shaxsiy maʼlumotlarni ularga ruxsatsiz yoki tasodifiy kirishdan, shaxsiy maʼlumotlarni yoʻq qilishdan, oʻzgartirishdan, blokirovka qilishdan, nusxalashdan, taqdim etishdan, tarqatishdan, shuningdek, Foydalanuvchidan olingan Shaxsiy maʼlumotlarga nisbatan boshqa noqonuniy harakatlardan himoyalash uchun zaruriy boʻlgan huquqiy, tashkiliy va texnik choralarni koʻradi.
8.4. Operator Foydalanuvchining shaxsiy maʼlumotlaridan marketing, reklama va axborot maqsadida foydalanish, jumladan, reklama aksiyalari haqida xabardor qilish, yangiliklar va biznes takliflari va h. k. larni yuborish huquqiga ega.
8.5. Foydalanuvchining shaxsiy maʼlumotlarni qayta ishlashga roziligi Tizimdan foydalanish muddati davomida, shuningdek, Foydalanuvchi tomonidan Tizimdan foydalanish toʻxtatilgan sanadan boshlab 3 (uch) yil mobaynida amal qiladi.

9. BOSHQA SHARTLAR.

9. 1. Tomonlar elektron pochta orqali yuborilgan hujjatlar matnlarining qonuniy kuchini qogʻozga oddiy yozma shaklda bajarilgan hujjatlar bilan bir qatorda tan oladilar. Tomonlar elektron pochta manzillariga yuborilgan barcha yozishmalar, xabarnomalar, bildirishnomalar shaxsiy kabinetga tegishli shaklda yetkazilganligiga rozilik bildiradi. Tomonlar elektron pochta manzili, kontakt maʼlumotlarini oʻzgartirgan vaziyatlarda oʻz vaqtida oʻzgartirishlar kiritish, elektron pochta manzillariga kelgan xatlarni oʻz vaqtida tekshirish majburiyatlarini oladilar.
9. 2. Rekvizitlar oʻzgargan taqdirda, Tomonlar 2 kun mobaynida bunday oʻzgarishlar toʻgʻrisida yozma ravishda xabardor qilishlari shart. Aks holda, oxirgi maʼlum manzilga yuborilgan xabarlar tegishli ravishda uzatilgan deb hisoblanadi.
9. 3. Xizmatlarni ko‘rsatish tarkibi va shartlari o‘zgargan, kengaytirilgan, Operator tomonidan taqdim etiladigan yangi xizmatlar paydo bo‘lgan taqdirda, Ofertaga kiritilgan o‘zgartirishlar, xizmatlar narxlaridagi o‘zgartirishlar, Operator tomonidan bir tomonlama tartibda amalga oshiriladi va, agar o‘zgartirishlarning kuchga kirishi uchun ular e’lon qilinganda qo‘shimcha ravishda boshqa muddat belgilanmagan bo‘lsa, ular e’lon qilingan paytdan boshlab kuchga kiradi. Buyurtmachi barcha bildirishnomalar va e’lonlar bilan mustaqil ravishda tanishib chiqishi shart.
9.4. Tomonlar agar Shartnoma qoidalaridan birortasi qonunchilikda yoki boshqa sabablarga koʻra uning amal qilish muddatiga mobaynida haqiqiy emas boʻlsa, Shartnomaning boshqa qoidalari uning amal qilish muddati davomida Tomonlar uchun majburiy ekanligini tan oladi. Shartnomaning biron-bir qoidasining haqiqiy emasligi Ofertaning umuman bekor qilinishiga olib kelmaydi.
9. 5. Mazkur Shartnoma Tomonlar rekvizitlari, ularning taʼsis hujjatlari, tashkiliy-huquqiy shakli, Tomonlar egasi oʻzgargan hollarda ham oʻz kuchida qoladi. Shartnoma Tomonlaridan birining rekvizitlari oʻzgargan taqdirda, bunday Tomon boshqa tomonni 3 (uch) ish kuni ichida xabardor qilish majburiyatini oladi.
9. 6. Mazkur Shartnomada nazarda tutilmagan boshqa barcha holatlarda Tomonlar Oʻzbekiston Respublikasining amaldagi qonunchiligiga muvofiq faoliyat olib boradi.
9.7. Shartnomani qabul qilishda Foydalanuvchi o‘zining Shartnomaning barcha shartlariga shartsiz rozi ekanligini tasdiqlaydi, shuningdek u Shartnomani va narxlarni, foydalanish huquqi va xizmatlar ko‘rsatish huquqini taqdim etish shartlarini batafsil o‘rganib chiqqanligini tasdiqlaydi. Ular unga tushunarli, u ularga rozilik bildiradi va ularni o‘zi uchun majburiy deb tan oladi.