Osonroq sayohat qiling! “O‘zbekiston temir yo‘llari” kompaniyasi Smart Ecosystem bilan hamkorlikda chiptalarni sotib olishni yanada osonlashtiradi.
Raqamli yechimlar kundalik hayotimizga tobora chuqur kirib borayotgan bugungi kunda qulaylik va tezlik masalasi birinchi o‘ringa chiqmoqda. “O‘zbekiston temir yo‘llari” Smart Ecosystem bilan hamkorlikda yo‘lovchilar sari muhim qadam tashladi – temir yo‘l chiptalarini xarid qilish jarayoni osonroq, tezroq va arzonroq bo‘ldi. Endilikda Toshkent vokzallarida chipta sotiladigan o‘ziga o‘zi xizmat ko‘rsatish shoxobchalari paydo bo‘ldi va yo‘lovchilar kassa operatorlariga an’anaviy ravishda murojaat qilmasdan, kunning istalgan vaqtida poyezd, vagon, joyni o‘zlari tanlab, chipta haqini to‘lashlari mumkin.
Qo‘shma loyiha shaffoflik, qulaylik va ommaboplikni ta’minlashga qaratilgan. Endi poyezdga chipta sotib olish uchun uzun navbatlarda turish, vaqt va kuch sarflab kassaga borish shart emas – o‘ziga o‘zi xizmat ko‘rsatish shoxobchasiga borib, bir nechta sodda qadamlarni bajarishning o‘zi kifoya.
“O‘zbekiston temir yo‘llari” uchun bu nafaqat yangi texnologiyalarni joriy etish, balki raqamli transformatsiyaning bir qismidir. Shoxobchalar kassa va xodimlar yuklamasini kamaytiradi, ularning xizmat ko‘rsatish xarajatlarini qisqartiradi va qimmatli tahlillarni to‘plash imkonini beradi: masalan, qaysi yo‘nalishlar ko‘proq tanlanayotgani, talabning eng yuqori soatlari qachon kuzatilishi va jadvalni qanday rejalashtirsa yaxshiroq bo‘lishi haqidagi ma’lumotlar.
“O‘zbekiston temir yo‘llari” ko‘p yillik transport tajribasiga tayanib, innovatsiyalarga e’tibor qaratmoqda. Yo‘lovchilar uchun to‘lovning tez, to‘xtab qolmasdan amalga oshirilishi va chekning bir zumda chop etilishi juda muhim – shunda navbatlar to‘planib qolmaydi va chiptalarni sotib olish jarayoni qulay bo‘ladi. Temir yo‘l kompaniyasining o‘zi uchun ham bu samaradorlikni oshirish imkonidir: to‘lovlar qanchalik tez o‘tsa, kassalar shunchalik yaxshi bo‘shaydi va operatsion xarajatlar kamayadi. Binobarin, o‘ziga o‘zi xizmat ko‘rsatish shoxobchalari haqiqatan ham samarali ishlashi uchun to‘lovlarni qabul qilish tezligini ta’minlash muhim hisoblanadi, bunda esa Smart Ecosystem ishonchlilik va sifatni kafolatlaydi.
Smart Ecosystem – O‘zbekistondagi raqamli yechimlar va biznesni avtomatlashtirish bozorining eng yirik ishtirokchilaridan biri. Ekotizimning yetakchi brendi Smart Business (avval UZKASSA) uzoq vaqtdan beri tadbirkorlar orasida zamonaviy kassa uskunalarining ishonchli yetkazib beruvchisi sifatida o‘zini namoyon qilgan. Endi esa bizning texnologiyalarimiz butun bir sohani – temir yo‘l tashuvlarini modernizatsiya qilishga yordam beradi.
Smart Ecosystem “O‘zbekiston temir yo‘llari” uchun quyidagilarni kafolatlaydigan kassa yechimlarini joriy etdi:
- kechikishlarsiz tezkor to‘lov;
- cheklarni bevosita joyida chop etish;
- maksimal ma’lumotlar himoyasi bilan tranzaksiyalar xavfsizligi.
“O‘zbekiston temir yo‘llari” va “Smart Ecosystem” o‘rtasidagi hamkorlik raqamlashtirish yo‘lovchilar hayotini qanday osonlashtirishi va kompaniyalarning yanada samarali ishlashiga qanday yordam berishiga yaqqol misoldir. Bugun – vokzallardagi chipta do‘konlari. Ertaga – har bir sayohatni yanada qulay qiladigan yangi yechimlar.
Smart Ecosystem kundalik jarayonlarni oson, tez va ishonchli qiladigan texnologiyalar va innovatsiyalarni yaratadi. Xoh u milliy loyihalar bo‘lsin, xoh kichik biznes vazifalari – Smart Ecosystem raqamli kelajakni bugundan qurish uchun doim yoningizda.
“Smart Ecosystem – har qanday miqyosdagi biznes uchun hamkoringiz”
Mijozlar uchun to‘lovni qulayroq va biznes jarayonlarini samaraliroq qilishni xohlaysizmi? Smart Ecosystem raqamli transformatsiya uchun tayyor yechimlarni taklif etadi. Barcha tafsilotlar – smartpos.uz saytida yoki +998 (71) 200-30-50 raqami orqali.